Allsstaðar er frostlaus jörð og aðstæður mjög ákjósanlegar,  nógur raki í jörðu og hlýindi og eru skógarbændur hvattir til að nýta sér þessi góðu skilyrði.

 Plöntur eru að koma á dreifingastöðvarnar um þessar mundir og eru skógarbændum benta á að hafa samband við sína svæðisstjóra.

1. Fundargerð síðasta fundar var samþykkt.

2. Uppgjör ársins 2011 og fjárhagsáætlun 2012.

Gert er ráð fyrir 92,6 millj. ríkisframlagi til Sls á Fjárlögum 2012 sem er lækkun 500 þúsund frá árin 2011. Gert er ráð fyrir lækkun milli ára á flestum kostnaðarliðum verkefnisins nema framlögum til bænda sem og húsaleigu sem bundin er vísitölu. Áætlað er að gróðursetja um 600 þús plöntur. Gert er ráð fyrir að nýta 2. millj. af rúmlega 9. millj. rekstrarafgangi frá 2011 til dekka áætlaðan hallarekstur ársins 2012. Því er gert ráð fyrir að rekstrarafgangur ársins 2012 verði um 7 millj. kr.

3. Ný umsókn um jörð og útfærsla á ræktun beitarskóga og akurræktun skóga

Ný jörð Múlakot II sækir um í Suðurlandsskóga þar sem landeigandi vill planta ösp í akurrækt. Þar er um að ræða skóg sem yrði felldur eftir 20 ára ræktun og efniviður seldur í kurl sem hugsanlega mætti nýta í iðnaði eða til eldsneytisframleiðslu. Er umsóknin samþykkt af stjórn, en þar sem ekki er til útfærsla hjá Suðurlandsskógum um akurrækt skóga né beitarskógrækt var samþykkt að gerð verði greinargerð um þessar skógargerðir sem stjórnin tekur afstöðu til.

4. Námskeið fyrir fagfólk í skógrækt

Mikill áhugi er á að halda áfram samstarfi við Skovskolen í Danmörku um námskeið fyrir íslenskt fagfólk, en vegna samdráttar var ákveðið að fresta námskeiðum fram á árið 2013.

5. Krafa um greiðslu á óafhentum gölluðum plöntum

Borist hefur bréf frá lögfræðingi plönturæktanda sem fer fram á að Sls greiði að fullu fyrir 120 þús. plöntur sem ekki stóðust gæðakröfur og var ekki tekið við og ekki dreift til landeigenda til gróðursetningar. Telur framleiðandinn að Sls beri ábyrgð á ræktun plantnanna. Var málinu vísað til lögfræðinga Ríkiskaupa og Landbúnaðarráðuneytisins sem vinnur að málinu. Framkvæmdastjóri Sls telur að staðið hafi verið að fullu við gerða samninga, enda voru plöntugæðin metin af óháðum aðila og sýndi sú úttekt að plönturnar stóðust ekki staðla og/eða gæðakröfur sem getið er um í plöntusamningum.

7. Samningur milli Sls og LSE um sameiginlegan starfsmann

Óljóst verður árið 2012 hvort LSE getur haldið áfram samstarfi um sameiginlegan starfsmann vegna breytinga á styrkjum frá ríkinu. Í lok janúar kemur í ljós hvort af samningum getur orðið.

8. Aðalskipulag Rangárþings eystra

Kynntar voru athugasemdir Sls við drög að aðalskipulagi Rangárþings Eystra. Helsta niðurstaða Sls var að margt er athugavert við drögin og óskar framkvæmdastjóri eftir fundi með Sveitarstjórn Rangárþings ytra til að koma athugasemdum á framfæri.

9. Hugsanleg breyting á skipun ráðuneyta / þingsályktunartillaga um LHV / ný skógræktarlög

Framkvæmdastjórar LHV-verkefna haldinn var stuttur fundur með nýjum Sjávarútvegs- og Landbúnaðarráðherra. Þar kom fram að ekki stæði til að færa skógræktarmál milli ráðuneyta. Lögð verður fram þingsályktunartillaga á vordögum um LHV. Skógræktarstjóri hefur boðað til fundar þar sem uppstokkun á verkefnum ráðuneyta verður rætt. Nefnd um skógræktarlög er að ljúka störfum og mun senda Umhverfisráðherra greinargerð sem líklega verður send út til umsagnar fljótlega.

10. Akurræktun jólatrjáa

Mikill áhugi er á akurræktunarverkefni jólatrjáa. Ákveðið að skipa faghóp á vegum LHV um akurræktun jólatrjáa og í honum munu sitja fjórir starfsmenn einn úr hverjum fjórðungi.Hrönn Guðmundsdóttiryrði fulltrúi Sls.

11. Samstarf við LHÍ

Samstarfsverkefni við LHÍ lauk á síðasta ári, en einn nemandi Kolbeinn Ísólfsson halda áfram og vinna að lokaverkefni tengt skógrækt og vöruhönnun. Stjórn Sls fagnar þessu góða samstarfi og vonar að áframhald verði á samstarfi við LHÍ.

12. Önnur mál

Stjórn óskaði Birni til hamingju með sextugsafmælið sem Björn mun fagna í fríi erlendis á næstu dögum.

Skógarpósturinn

Hægt er að nálgast allar uppplýsingar og dagskrá hér að neðan.

http://www.skogur.is/fagradstefna2012

Ath. að dagskráin uppfærist þegar nær dregur.

Hæsta tré í heimi

Tré geta orðið mjög há.

Hæsta tré í heimi er að finna í Kaliforníu. Það er 112 metra hátt og er af tegundinni sekoja (sequoia sempervirens). Ef tréð yrði fell næði það yfir fólboltavöll.

Ef tekið er tillit til ummáls og viðarmagns í tré þá er stærsta tré á jörðinni rauðviður eða svokallað mammúttré, sem einnig vex í Kaliforníu. Það kallast General Sherman og er 31 m í ummál og 83 m hátt.

Samkvæmt mælingum skógfræðinema Landbúnaðarháskóla Íslands haustið 2011 eru hæstu tré Íslands á Kirkjubæjarklaustri, sem er sitkagreni 24,77 m á hæð og alaskaösp á Hallormsstað, en það mældist 24,50 m á hæð.

Björn B. Jónsson.

Unnið að hluta til upp úr grein í Skogsbruket 11.2011.

Tuttugu og átta tillögur bárust.

Duftkerin eru öll til sýnis í Seltjarnarneskirkju fram til 11. desember.

Nánar um samkeppnina og afhendingu verðlauna er  að finna á www.arskoga2011.is

Myndir  af  gripunum er að finna hér; http://www.flickr.com/photos/arskoga2011/6325152064/in/photostream/

Geta má þess að silfurreynir í Alþingisgarðinum er kominn af þessum trjám.

Á myndinni má sjá Ólaf Helga Kjartansson sýslumann virða fallegan stofn trésins fyrir sér.

Skógarpósturinn nóvember 2011

Tilgangur málstofanna er að fá ábendingar og tillögur sem nýst geta við áframhaldandi vinnu. Boðað er til tveggja málstofa, á Egilsstöðum og í Reykjavík. Málstofurnar eru öllum opnar og hvetur nefndin alla þá sem láta sig málefni skógræktar varða að taka þátt.

Haldnar verða tvær málstofur á eftirfarandi stöðum:

• Hótel Héraði, Egilsstöðum, mánudaginn 7. nóvember kl. 13:00 – 15:00
• Þjóðminjasafnið í Reykjavík, þriðjudaginn 8. nóvember kl. 14:00 – 16:00  

http://www.umhverfisraduneyti.is/frettir/nr/1929