102. stjórnarfundur Suðurlandsskóga haldinn á Selfossi 4.ágúst 2011 kl. 13:00 – 20:00.
Fundinn sátu Sigríður Jónína Sigurfinnsdóttir stjórnarformaður, María E. Ingvadóttir, Björn B. Jónsson og Hreinn Óskarsson, ritari.
- Stjórnarformaður setti fund og óskaði Hreini til hamingju með doktorsgráðuna. Las stjórnarformaður yfir fundargerð síðasta fundar og var hún samþykkt.
- Laun stjórna LHV voru rædd og sagði Björn frá því að ákveðið hefði verið í Sjávarútvegs- og Landbúnaðarráðuneytinu að greiða óbreyttum stjórnarmönnum 20 þúsund kr á fund, og formanni stjórnar 30 þúsund kr á fund.
- Sigríður sagði frá kynningarfundi fyrir nýja formenn stjórna og framkvæmdastjóra LHV sem haldinn var með Þorsteini Tómassyni í Sjávarútvegs og Landbúnaðarráðuneytinu 30. maí 2011. Þar kynnti Jón Bjarnason drög að þingsályktunartillögu að fjárveitingum til LHV næstu 10 árin. Í ljós kom að aðrar tillögur voru kynntar en þær sem leggja á fram til Alþingis, en réttu tillögurnar boða enn meiri niðurskurð til LHV næstu árin.
- Björn lagði fram athugasemdir LSE og LHV í skógrækt sem sendar voru nefnd þeirri sem vinnur að gerð nýrra skógræktarlaga.
- Aðalskipulagsdrög í Rangárþingi eystra sem banna skógrækt á ákveðnum svæðum voru rædd. Hafa Björn og María fundað í tvígang um þau drög.
Farið var í ferð um Flóa og Ölfus og skógræktarframkvæmdir SLS skoðaðar. Á leiðinni var komið við í Ósavatni, hjá Hrönn á Læk og Sigurði í Gerðakoti. Með í för voru fyrri stjórnarmeðlimir þau Garðar Hannesson, Agnes Geirdal og Þorbergur Hjalti Jónsson. Var þeim þakkað fyrir vel unnin stjórnarstörf á síðustu árum í kvöldverði sem snæddur var í Hafinu Bláa við Ölfusárósa.